| سنوار دے جو نکھار دے جو اسی سے ہستی کی شام لینا |
| جلا دے دل کو بجھا دے دل کو نہ عاشقی کا وہ بام لینا |
| تمہارے ہاتھوں پہ دل بنانا بنا کے دل کو لگانا دل پر |
| اسی پہ ہنسنا اسی پہ رونا اسی سے ہستی کی گام لینا |
| نظر ملانا مجھے ستانا پلٹ کے تیرا نظر چرانا |
| نظر چرا کے دوبارہ تکنا دوبارہ تک کے سلام لینا |
| سلام لے کر سمٹتے رہنا دبا کے ہاتھوں پہ غور کرنا |
| جھکا کے پلکیں قریب آنا حیا سے مجھ کو وہ تھام لینا |
| ستا کے مجھکو ہرا کے مجھکو بدن سے میرے چپکتے جانا |
| نشے میں رہنا بھٹکتے پھرنا لبوں سے میرے وہ جام لینا |
| خطوط لکھنا تو جان لکھنا کبھی کبھی تو جہان لکھنا |
| تمام حرفوں پہ لب لگا کر خوشی میں تیرا وہ نام لینا |
| چھتوں پہ چڑھنا بہانہ کرکے وہاں سے چھپ چھپ کے تم کو تکنا |
| صدائیں دینا بلائیں لینا خرد سے کوئی نہ کام لینا |
| گلی میں جانا تمہاری خاطر دکان داروں سے گپ لگانا |
| سبھی کو کہنا خیال رکھنا نہ تم سے کوئی بھی دام لینا |
معلومات