| میں مانگتا کرم ہوں کر دے عطا اے مولا |
| ہر آن یادِ جاں سے سینہ سجا اے مولا |
| ہو زندگی امر یہ سرکار دو سریٰ سے |
| عشقِ حبیب والی شیریں چکھا اے مولا |
| کافور کر دے میرے طالع سے تیرگی کو |
| مدحت رسولِ داور کرنی سکھا اے مولا |
| میرے مقدروں کے تارے درخشاں کر دے |
| ہر دم زباں پہ آئے صلے علیٰ اے مولا |
| معراج رات تحفے لائے تھے مصطفیٰ جو |
| اس دل میں آئے اُن سے نور و ضیا اے مولا |
| رہنا غلام چاہوں آلِ حبیبِ رب کا |
| ناقص کو اس کے قابل تو ہی بنا اے مولا |
| محمود چاہے پڑھنا دم دم درود اُن پر |
| ہمت ثنائے جاں کر اس کو عطا اے مولا |
معلومات