| لٹانے رحمتیں رب کی حبیبِ دو جہاں آئے |
| دہر کی شان و شوکت یہ مقیمِ لا مکاں آئے |
| شہنشاہِ رسالت ہیں کریمِ دو سریٰ سرور |
| جمالِ دو جہاں دلبر، ہیں وجہِ کن فکاں آئے |
| ملی ہیں برکتیں رب کی ورودِ مصطفائی سے |
| میانِ دہر میں آقا خدا کی شان ہیں آئے |
| گلستاں میں جو رونق ہے خدا کی قدرتیں دیکھو |
| حبیبِ کبریا جانم زماں میں بن کے جاں آئے |
| یہ فخرِ آدم و حوا، فدا اُن پر نبی موسیٰ |
| امامِ انبیا ہادی، شہنشاہِ زماں آئے |
| چمن سے دور ظلمت ہے، ہویدا شانِ یزدانی |
| جنابِ مصطفیٰ حق سے، ضیائے ضوفشاں آئے |
| خبر آئی جہانوں میں، خدا کے رازِ بستہ سے |
| بتا محمود تو سب کو خدا کے رازداں آئے |
معلومات