| منور فروزاں ہے اُن کی نبوت |
| مقرر ہے جن کی ابد تک رسالت |
| رسولوں کے سرور شہے دو سریٰ ہیں |
| صفِ انبیا کی کریں جو امامت |
| نبی نورِ یزداں جو صادق امیں ہیں |
| یہ دیتے ہیں سب کو خدا کی امانت |
| کتابِ ہدیٰ رب سے دستورِ اعلیٰ |
| نمونے میں کامل نبی کی ہے سیرت |
| کٹھن راستے ہیں جہاں میں لحد تک |
| ہے سنت نبی کی چراغِ ہدایت |
| مُزَیَّن دل و جاں اگر چاہتے ہیں |
| مدینے کے ساقی سے کر لو محبت |
| اے محمود محشر میں جانا ہے سب نے |
| حزیں مانگو رب سے نبی کی شفاعت |
معلومات