| اب نشے سے، مے کے، رِندو! خود کو بہلانا غلط |
| جو حقیقت ہے اُسے قصداً یوں جھٹلانا غلط |
| یاد پر بھی حق ہے تو ہے بس اُسی حق ذات کا |
| یاد کی خاطر بھی اب تصویر بنوانا غلط |
| ساز کیا ہے؟ سوز کیا ہے؟ میں نہیں یہ جانتا |
| موسقی شامل ہو، ایسی حمد پڑھوانا غلط |
| دست بوسی کر، گلے لگ یا تُو ماتھا چوم لے |
| ہو خوشی جتنی بڑی، پر ناچنا گانا غلط |
| ذاتِ واحد کے سوا گر ہو کسی کے نام پر |
| رزق کا پھر بانٹنا بھی اور ہے کھانا غلط |
| بات ہو قرآن کے جب حکم اور حد کی اگر |
| مکر کی باتیں کرے تو ایسا ہر دانا غلط |
| راستہ وہ جو سُوئے منزل نہ لے کر جا سکے |
| راہ ایسی پر تِرا آنا غلط جانا غلط |
معلومات