| قَضا سمجھے تھے جس پل کو، وہ ساعت یاد آتی ہے |
| تری خاموش نظروں کی حرارت یاد آتی ہے |
| لٹا دی عمر تیری چاہ میں، کچھ بھی نہیں مانا |
| مرے جاناں ، تری دلکش سی صورت یاد آتی ہے |
| خدا کو بھی بھُلا بیٹھے، ترے جلوے کے صدقے ہم |
| اب اس دل کو وہی تیری عبادت یاد آتی ہے |
| کبھی تنہائیوں میں جب وہ چہرہ جگمگاتا ہے |
| تو دل کی دھڑکنوں میں تیری چاہت یاد آتی ہے |
| جو لمحے ساتھ گزرے تھے، وہ لمحے بولتے ہیں اب |
| تمہاری گفتگو میں بھی تلاوت یاد آتی ہے |
| نظر سے دور ہو کر بھول جاتے، تجھ کو کیسے ہم |
| بدن پر اب بھی چھوٹی سی کرامت یاد آتی ہے |
| جو خوابوں میں بھی آ کر خامشی سے دیکھتا ہے تُو |
| اسی کی آج بھی مجھ کو عداوت یاد آتی ہے |
| ترا ہر زخم تھا دل پر، مگر ہم مسکراتے تھے |
| مگر اب اُس ہنسی پر بھی وہ حسرت یاد آتی ہے |
| خورشید حسرت |
معلومات