| سُنو معرفت کا سمندر ہے قرآں |
| کہ اُس وَہ نبی کا سراسر ہے قرآں |
| اسے ہر مسلماں کو لازم ہے پڑھنا |
| شریعت کے گھر کا کُھلا در ہے قرآں |
| اسے پڑھنے والا اگر متّقی ہو |
| ہدایت میں سب کی برابر ہے قرآں |
| یہ ماضی کے قصّے سُنائے ضروری |
| لکھا جو وہی ہو مقدّر ہے قرآں |
| ہے لا ریب سچا ہر اک لفظ اس کا |
| دلوں کو جو کر دے منوّر ہے قرآں |
| یہ چوروں کو ابدال کر دے سنیں تو |
| دلوں کو بدل دے مو اَثّر ہے قرآں |
| خدا کی طرف یہ کرے رہنمائی |
| کریں شکر ہر دم میسّر ہے قرآں |
| یہ منزل کی جانب چلے ہاتھ تھامے |
| ہدایت کا منبع مقرّر ہے قرآں |
| چھپے اس میں ہیں علم کے سب خزانے |
| معلّم مربّی پیمبر ہے قرآں |
| چمن کے گلوں میں ہے خوشبو اسی سے |
| مہکتا یہ گلشن معطّر ہے قرآں |
| علوم اس کے حاصل کریں جو مطہّر |
| دلوںں پر انہی کے اُ جاگر ہو قرآں |
| جو کرتا ہے غور اس پہ طارق وہ جانے |
| حسیں دل کرے جو مصوّر ہے قرآں |
معلومات