| ظلمتِ شب کا تسلسل کب تلک |
| سانس لینا اس گھٹن میں کب تلک |
| بھوک سے بچے بلکتے کو بہ کو |
| ان کی ماؤں پر قیامت کب تلک |
| نوجوانانِ فلسطیں در سلاخ |
| ربِّ یوسف ہے رہائی کب تلک |
| مرغزاروں آشیانوں پر خدا |
| بجلیاں گرتی رہیں گی کب تلک |
| سر چھپانے کےلئے کچھ بھی نہیں |
| آسماں کے زیر سایہ کب تلک |
| بستیاں ویران گھر مسمار ہیں |
| در بہ در خانہ بدوشی کب تلک |
| پے بہ پے حملہ یہاں دجال کا |
| رویتِ عیسیٰ و مہدی کب تلک |
| یہ مصائب آزمائش امتحاں |
| چھلکے نا پیمانہ احمد کب تلک |
معلومات