مَیں سو رہا تھا تو کیا ہوا وہ خدارا مجھ کو جگا کے جاتا

کہ اُس نے واپس نہیں تھا آنا یہ بات مجھ کو بتا کے جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اِسی کے صدقے خدا نے اُس کی ہر ایک خواہش تھی کرنی پوری

خدا کے در پر وہ آگیا تھا تو اشک اپنے بہا کے جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہزاروں آہیں ہزاروں آنسو لئے میں بیٹھا تھا اُس کی رہ میں

دیے ہیں اس نے مجھے کئی غم وہ خوشیاں بھی کچھ دکھا کے جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

خوشی خوشی کچھ بسر تو ہوتی مری بھی آخر یہ زندگانی

وہ جا رہا ہے تو اپنی یادوں کے نقش سارے مٹا کے جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

پرانے برتن پرانے کپڑوں کی ہم نے کرنی تھی سب تلاشی

ہاں ڈھونڈ لیتے وہ جب کبھی بھی وہ جو بھی ہم سے چھپا کے جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

بھٹکنے والوں میں کیوں یہ ہوتا شمار اپنا ازل تلک ہی

یہ آ گئے ہیں جو بھیڑ میں ہم وہ راستہ بھی دِکھا کے جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

ہوا کے شانوں پہ بیٹھ کر ہم خوشی مناتے اُسی کی خاطر

ملی ہے اس کو یہ سرفرازی زمیں سے ہم کو اٹھا کے جاتا

۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔

اُسے بھی اس کی خبر تھی میں نے ہے جان لینا ہر ایک غم کو

تھا کچھ تو اس کے بھی دل میں مانی وہ نظریں مجھ سے ملا کے جاتا