کَج ادائی کا درد مار گیا |
بےوفائی کا درد مار گیا |
اچھا ہوتا کہ غیر ہی رہتے |
آشنائی کا درد مار گیا |
تیرا شوقِ مزاح پر مجھ کو |
جگ ہنسائی کا درد مار گیا |
آہ بھی تجھ تلک نہیں پہنچی |
نارسائی کا درد مار گیا |
کچھ نچوڑا لہو وصال نے تھا |
کچھ جدائی کا درد مار گیا |
سونی سونی رہے گی شاید وہ |
اُس کلائی کا درد مار گیا |
پیار پورا ملا نہیں مجھ کو |
اک تہائی کا درد مار گیا |
مجھ سے آزاد شخص کو شائم |
جبیں سائی کا درد مار گیا |
معلومات