| تو نے خود بھیجا جسے کیا اس کا دم بھرتا نہیں |
| ماننے والوں پہ بھی کیا رحم تُو کرتا نہیں ؟ |
| تجھ پہ جب ایمان لایا ہے ، خدا اس کا ہے تُو |
| تو نے دیکھا بھی ہے کیا تیرے لئے مرتا نہیں |
| اس سے پہلے ذکر آیا تھا جو اک موعود کا |
| مان لینے سے اسے مومن کوئی ڈرتا نہیں |
| ہے یقیں جس کو وہ پوچھا جائے گا کیا کیا کِیا |
| حد سے باہر پھر قدم کوئی بھی وہ دھرتا نہیں |
| کب اسے سچ بات کہنے سے ڈرائے تیغ بھی |
| سامنے سلطانِ جابر ، کے بھی وہ ڈرتا نہیں |
| حکمتوں سے کام لینا ہے مسلماں کا شعار |
| ہاتھ معصوموں کے خوں سے وہ کبھی بھرتا نہیں |
| دوستوں کی مد میں اس کا میں کروں اب تک شمار |
| دشمنوں جیسا سلوک اس نے کبھی برتا نہیں |
| ہار بھی جائے جو طارق ، جیت ہے اُس کا نصیب |
| عاشقی کے کھیل میں ، عاشق کبھی ہرتا نہیں |
معلومات