| جو داتا جہاں کا حبیبِ الہ ہے |
| وہ یکتا جہاں میں شہے دو سریٰ ہے |
| خزانے خدا کے ملے سارے اُن کو |
| کہ لولاک سہرا انہیں پر سجا ہے |
| ارادے سے اُن کے بنا کعبہ قبلہ |
| نبی کی جو مرضی خدا کی رضا ہے |
| گراں فیض جن سے ملے اس دہر کو |
| وہ نورِ ہدی ہے نبی مصطفیٰ ہے |
| یہ ہستی ہے مشغول حمدِ خدا میں |
| جہاں حمدِ باری نبی کی ثنا ہے |
| وہ دانائے ہستی جہانوں پہ رحمت |
| زمانہ سدا اُن کے در کا گدا ہے |
| اے محمود! کہہ دے نہیں ہے نبی سا |
| کہ وہ جانِ ہستی حسیں دلربا ہے |
معلومات