| لبوں پر آلِ احمدؑ کی ثنا ہے |
| مجھے حیرت سے قرآں دیکھتا ہے |
| شفاخانہ میرا کرب و بلا ہے |
| غمِ شبیرؑ ہر غم کی دوا ہے |
| یہ کہہ کر حُرؑ چلا ہے سوئے سرور |
| یہی جنت کا سیدھا راستہ ہے |
| یزیدی فوج ہے آنکھوں سے اوجھل |
| نظر کی تیغ سے حملہ ہوا ہے |
| کرے گا سرخ رو اپنے پدر کو |
| علی اصغرؑ سوئے مقتل چلا ہے |
| علی اکبرؑ کی رن میں تیغ چمکی |
| فرشتہ پھر کوئی سہما ہوا ہے |
| گلے شکوے مٹا کر آؤ اس پر |
| یہ اک مظلوم کا فرشِ عزا ہے |
| جئیں گے اور مریں گے تیری خاطر |
| مرا مولا سے وعدہ ہو گیا ہے |
| نہ جھڑکو اور نہ تم اس کو ستاؤ |
| نصیری بس ذرا بہکا ہوا ہے |
معلومات