| لے کہ مکے میں آئی تھی قسمت ہمیں |
| چین ملتا رہا ہم کو ہر دم یہاں |
| وقتِ رُخصت ہُوا، دل پہ طاری ہے غم |
| اور لبوں پر ہے جاری بس آہ و فغاں |
| دید کرتا تھا اُن کی یہ بابِ سَلام |
| جب گزرتے یہاں سے وہ شاہِ اَنام |
| دِل بچھاتے رہے اُن کے قدموں میں ہم |
| دِل کی حسرت کا کیسے کریں ہم بَیاں |
| اللہ اللہ وہ کعبے کا منظر حَسِیں |
| کس قدر دلنشیں، آفریں آفریں |
| کُچھ نہ قابو رہا اپنے جذبات پر |
| پھر نجانے مُیسّر ہو کب یہ سماں |
| خاص نُورِ اِلٰہی میں ڈُوبا مطاف |
| کیف و مستی میں عُشاق کرتے طواف |
| شمع کی لو پہ پروانے جیسے نِثار |
| کاش نذرانے میں پیش کرتے یہ جاں |
| وہ صفا اور مروہ کی کرنا سعی |
| ہر قدم پر دُعاؤں کی کثرت رہی |
| خوب زم زم بھی پیتے رہے ہر گھڑی |
| سَیل آنکھوں سے اَشکوں کا اب ہے رَواں |
| غارِ ثَور و حِرا میں بھی اُن کے نِشاں |
| اُن کی نسبت سے دونوں ہوئے ضوفشاں |
| ایک ہیبت تھی طاری گئے جب وہاں |
| دِل پہ ہے اب جُدائی کا بارِ گِراں |
| جلد زیرکؔ ہماری ہو پھر حاضری |
| رب کے در کی ہمیشہ کریں چاکری |
| عمر گزرے یہاں، موت طیبہ میں ہو |
| پھر بقیع سے اُٹھیں جائیں سُوئے جِناں |
معلومات