| بہت خواہش تھی جنت کی مگر حاصل ہوئی دوزخ |
| جسے جنت سمجھتے تھے اسی میں تھی چھپی دوزخ |
| سزا اور جرم دنیا میں ہیں گویا گردشی قرضہ |
| کسی کی چھین لی جنت کسی سے مل گئی دوزخ |
| جہاں پر لوگ سارے جل رہے ہوں اپنی دوزخ میں |
| انہیں کیا خاک سمجھائیں کہ کتنی ہے بری دوزخ |
| بتاؤ مختصر سی زندگی میں کیسے سوچیں ہم |
| کہ برزخ کس قدر لمبی ہے، کیسی ہے بڑی دوزخ |
| ہمیں تھے معترض اس جنتِ ارضی کی حالت پر |
| لو اب قسمت میں شامل ہے دمادم اک نئی دوزخ |
معلومات