| غمِ عشق ہی مرا دکھ نہیں کہ اسی پہ عمر گزار دوں |
| مجھے اور بھی کیٔ کام ہیں سب اسی بلا پہ ہی وار دُوں |
| یہ اجاڑ چہرے یہ وحشتیں چھپی حسرتیں دبی خواہشیں |
| کبھی کاش ان میں سے اے خدا کوئی اک ہی چہرہ سنوار دوں |
| یہی نفرتوں کا کمال ہے کہ محبّتوں پہ زوال ہے |
| مرے چارہ گر کو جنون ہے جو قبا بچی ہے اتار دوں |
| کئی دُور سے مجھے دیکھ کر مری عادتوں پہ گماں کریں |
| مرا جی ہے ایسے مریض کو غمِ دو جہاں پہ ہی وار دوں |
| کبھی میری آنکھ سے دیکھ لو تو پتہ چلے گا کہاں ہیں ہم |
| کبھی خُلد میں تھے رواں دواں ابھی یہ جہاں بھی اسار دوں |
معلومات