| سدا دل سے نکلے یہ ہی اک صدا |
| کفِ پا سے سرمہ ملے مصطفیٰ |
| منور رکھے دل جمالِ نبی |
| کریما یہ ہی ہے گدا کی ندا |
| رہوں بن کے بردہ سخی آل کا |
| کروں جان اپنی انہی پر فدا |
| مبارک ہو جنت جنہیں یہ ملے |
| مگر خلد میری نبی کی لقا |
| تجھے مانگیں تجھ سے حسیں دلربا |
| عنایت جھلک ہو رخِ الضحیٰ |
| رہے سایہ سر پر سدا دان کا |
| کھڑا تیرے در پر بھکاری کھڑا |
| میں مجرم ہوں آقا شفاعت ملے |
| پکارے یہ پاپی شہے دو سریٰ |
| نبی کا ہے ڈنکا دہر میں علیٰ |
| ہے محمود یہ ہی رضائے خدا |
معلومات