| شمع یہ کہہ کے بجھا دیتے ہیں دیوانے بھی |
| یہ اگر جلتی ہے جل جاتے ہیں پروانے بھی |
| حسنِ سیرت سے نہیں اب ہے غرض صورت سے |
| وقت کے ساتھ بدل جاتے ہیں پیمانے بھی |
| ہم نے دیکھے ہیں بہت مسجدیں مندر ویراں |
| کیا کبھی خالی نظر آتے ہیں مے خانے بھی |
| خواب دیکھا ہے کہ تبدیلی نظر آتی ہے |
| ہم کو اپنوں کی طرح ملتے ہیں بیگانے بھی |
| بے سبب ہم پہ ٹھہرنے کا ہے الزام یہاں |
| ہم تو جانے کو ہیں تیّار کوئی مانے بھی |
| تمُ چلے جاؤ گے طارق تو بھلا کیا ہو گا |
| لوگ پہلے کی طرح آنے بھی ہیں جانے بھی |
معلومات