| نگر دل کا لٹا بستا نہیں ہے |
| سفر تنہا بھی اب کٹتا نہیں ہے |
| چلیں تو خوف آتا ہے جہاں سے |
| ہوا پر زور کچھ چلتا نہیں ہے |
| لگی ہر ٹوٹتی ہے آس دل کی |
| زمیں آکاش سب ملتا نہیں ہے |
| سکوں پاتا نہیں ہے ہجر میں من |
| پہر غم کا کوئی ٹلتا نہیں ہے |
| اتر آتی ہے شامے کربلا پر |
| چراغوں میں لہو جلتا نہیں ہے |
| بدل جاتا ہے ہر رشتہ وفا کا |
| زباں کا بول بھی کھلتا نہیں ہے |
| دلوں میں اٹھتی ہے دیوار شاہد |
| فقط حصوں میں گھر بٹتا نہیں ہے |
معلومات