| مجھ کو دشمن سے نہیں یار سے ڈر لگتا ہے |
| مجھ کو نفرت سے نہیں پیار سے ڈر لگتا ہے |
| روند کر پاؤں تلے وقت نکل جاتا ہے |
| اے زمانے تری رفتار سے ڈر لگتا ہے |
| وہاں آسیب اتر آتا ہے جہاں پیار نہ ہو |
| ایسے گھر کے در و دیوار سے ڈر لگتا ہے |
| اب جو دستار گرانے کی روایت ہے چلی |
| مجھ کو سر پر رکھی دستار سے ڈر لگتا ہے |
| شاہ نے سر کی جو بڑھائی مرے قیمت اتنی |
| مجھ کو اب یارِ وفادار سے ڈر لگتا ہے |
| مری ہر چیز نرالی ہے زمانے بھر سے |
| اے زمانے ترے معیار سے ڈر لگتا ہے |
معلومات