| آ گئے ہیں مصطفیٰ، مر حبا صلّے علیٰ |
| جشن ہے میلاد کا، مر حبا صلّے علیٰ |
| آپ کے جیسا کوئی، تھا نہ ہے نہ ہو کبھی |
| آپ کے جیسا سخی، تھا نہ ہے نہ ہو کبھی |
| آپ جو پیدا ہوئے، دھوم ہے میلاد کی |
| جھومتے ہیں یاں سبھی، جتنے بھی ہیں امّتی |
| کوئی نہیں آپ سا، مرحبا صلّے علیٰ |
| جشن ہے میلاد کا، مرحبا صلّے علیٰ |
| جل اُٹھا پھر طور ہے، آیا وہی نور ہے |
| حق کی طرف سے ہمیں، یہ خوشی منظور ہے |
| ہر نبی ہر اک ولی، بھی خوشی میں چُور ہے |
| فضلِ خدا دیکھ کر، ہر کوئی مسرور ہے |
| رب کی بڑی ہے عطا، مرحبا صلّے علیٰ |
| جشن ہے میلاد کا، مرحبا صلّے علیٰ |
| آپ ہی سب سے بڑے، ہیں خدا کے بعد میں |
| روتا رہا تھا جہاں، آپ ہی کی یاد میں |
| آپ کی آمد کا تھا، مدعا فریاد میں |
| ہر خوشی حاصل ہوئی، آپ کی میلاد میں |
| جھوم کے ہر دل کہا، مرحبا صلّے علیٰ |
| جشن ہے میلاد کا، مرحبا صلّے علیٰ |
| اے خدا رکھنا کرم، مصطفیٰ کے واسطے |
| ہر جگہ رکھنا بھرم، مصطفیٰ کے واسطے |
| دور ہوں رنج و الم، مصطفیٰ کے واسطے |
| تجھ سے سوالی ہیں ہم، مصطفیٰ کے واسطے |
| پوری ہوگی ہر دعا، مرحبا صلّے علیٰ |
| جشن ہے میلاد کا، مرحبا صلّے علیٰ |
| آپ کی آمد شہا، سب سے بڑی عید ہے |
| آپ کا جلوہ ملا، سب سے بڑی عید ہے |
| جشن یہ میلاد کا، سب سے بڑی عید ہے |
| راز خدا کا کُھلا، سب سے بڑی عید ہے |
| خوش ہے بہت خود خدا، مر حبا صلّے علیٰ |
| جشن ہے میلاد کا، مرحبا صلّے علیٰ |
معلومات