| مفاعیلن مفاعیلن مفاعیلن مفاعیلن |
| ﷺ |
| وہ مکہ یاد آتا ہے، مدینہ یاد آتا ہے |
| محمد ﷺ کا زمانہ اور پسینہ یاد آتا ہے |
| جہاں پر نور ہی ہے نور، قائم ہے سکوں پیہم |
| وہ کوہِ نور سے بہتر خزینہ یاد آتا ہے |
| صفا کی وہ کبھی وادی، کبھی مروہ کی رونق ہے |
| وہ حجرِ اسود و زمزم کا زینہ یاد آتا ہے |
| صدا جو گونجتی تھی جب اذاں دی سیدِ حبشیؓ |
| وہ دھیما دھیما نغمہ، وہ قرینہ یاد آتا ہے |
| نظر جب رُخ کی جانب ہو تو دل ٹھہراؤ پاتا ہے |
| وہ حسنِ مصطفیٰ ﷺ کا ہی مہینہ یاد آتا ہے |
| گلی وہ جس کے ذروں پر فِدا ہیں چاند و سورج بھی |
| وہ خوشبو، وہ فضا، وہ آبگینہ یاد آتا ہے |
| جو سایہ مصطفیٰ ﷺ کا ہو تو گرمی سہل لگتی ہے |
| وہ راحت، وہ سکوں کا بھی قرینہ یاد آتا ہے |
| جہاں آنکھوں میں آنسو بھی بنا دیتے ہیں جینے کو |
| وہ روضہ، وہ دعائیں طور سینا یاد آتا ہے |
| قدم جب کعبہ میں رکھے تو دل کیسے دھڑکتا تھا |
| وہ لمحہ، وہ کرم کا بھی سفینہ یاد آتا ہے |
| کہ ارشدؔ جب تو آنکھوں میں برستا ہے محبت کو |
| ہرا گنبد رسول ﷺاللہ مدینہ یاد آتا ہے |
| مرزاخان ارشدؔ شمس آبادی |
معلومات