| خوابوں میں جب آئے وہ |
| غزلیں میری گائے وہ |
| دیکھ کے مجھ کو کھڑکی سے |
| اپنا ہاتھ ہلائے وہ |
| کاش کہ بھیگے موسم میں |
| نغمہ کوئی سنائے وہ |
| آ کے میری بانہوں میں |
| اتنا کیوں شرمائے وہ |
| میں ہوں اُس کا ہم راہی |
| جانے کیوں گھبرائے وہ |
| کاش اندھیری راتوں میں |
| تارہ ہی بن جائے وہ |
| چھت پر بیٹھا سوچوں مَیں |
| نکلے چاند جو آئے وہ |
| برکھا رُت چھا جاتی ہے |
| گیسو جب لہرائے وہ |
| مجھ میں ایسا کیا ہے جو |
| مجھ کو بھول نہ پائے وہ |
| یاد بہت وہ آتا ہے |
| جا کر دیس پرائے وہ |
| اپنا در جاویدؔ ! کھُلا |
| جب جی چاہے آئے وہ |
معلومات