| دل پہ ہر روز نئے زخم لگا دیتی ہے |
| زندگی یوں بھی گناہوں کی سزا دیتی ہے |
| مجھ سے خود اپنی ہی صورت نہیں دیکھی جاتی |
| زندگی ایسے بھی حالات بنا دیتی ہے |
| ہم کو فاقوں میں بھی مل جاتی ہے قربت رب کی |
| ہم غریبوں کو تو غربت ہی مزہ دیتی ہے |
| آج پھر میرے عزیزوں نے کنارا ہے کیا |
| مفلسی اپنوں کو بیگانہ بنا دیتی ہے |
| خوابِ غفلت میں اگر دیر تلک سو جاؤں |
| ماں مجھے لہجۂ شیریں سے جگا دیتی ہے |
| میں ہوں پہلے ہی گرفتارِ غمِ عشق جناب |
| دردِ دل اور بہاریں یہ بڑھا دیتی ہے |
| جانے کس بات کا احساس دلانے کے لیے |
| خاک لے کر وہ ہواؤں میں اڑا دیتی ہے |
| میرے ہو جاتے ہے گم عقل و خرد ہوش و حواس |
| چشمِ جاناں مجھے دیوانہ بنا دیتی ہے |
| مجھ کو یہ ہی تو ادا بھاتی ہے اس کی احسنؔ |
| جب نظر اپنی جھکا کر وہ اٹھا دیتی ہے |
معلومات