| آنکھوں کو یونہی کوئی خواب دکھانا تھا مجھے |
| خوابوں کے شہر میں ورنہ کہاں آنا تھا مجھے |
| قیس کے دشت میں اک شہر بسانا تھا مجھے |
| عشق ہے کیا یہ زمانے کو دکھانا تھا مجھے |
| وہ بھی مجبور تھی وہ شخص بھلانا تھا اسے |
| میں بھی مجبور تھا ہر حال نبھانا تھا مجھے |
| اپنے دل کو بجھا کے زخم جلائے ہیں میں نے |
| یاد کے زرد چراغوں کو بجھانا تھا مجھے |
| اس کو ہی جلدی لٹانے کی تھی مجھ کو ورنہ |
| رفتہ رفتہ متاعِ جاں کو لٹانا تھا مجھے |
| کر رہا تھا اسی سے ترکِ تعلق جس سے |
| گہرا سا کوئی تعلق بھی بڑھانا تھا مجھے |
| وہ جہاں زاد کی صورت میں بھی کچھ اور ہی تھا |
| اس حسیں راز سے بھی پردہ اٹھانا تھا مجھے |
| جانے اتنی بھی شرافت سے وہ کیوں رہنے لگے |
| ان شریفوں کی گلی شور مچانا تھا مجھے |
| جمع کرتا ہی کیوں کر یہ متاعِ بے بہا میں |
| ویسے بھی سب کسی دن چھوڑ کے جانا تھا مجھے |
معلومات