| غزل |
| سُناؤں گا تُمہیں اے دوست میں فُرصت سے حال اپنا |
| مہِینہ چین سے گُزرا، نہ دِن، گھنٹہ نہ سال اپنا |
| تُمہارے ہِجر و حرماں سے کہُوں کیا حال کیسا ہے |
| سمجھ لِیجے کہ ہونے کو ہے اب تو اِنتقال اپنا |
| نہِیں ہوتا تو ہم کب کا جُھلس کر راکھ ہو جاتے |
| ہمارے کام آیا دیکھ لو یہ اعتدال اپنا |
| تُمہاری آنکھ سے آنسُو تو کیا خُوں بھی رواں ہو گا |
| کہو تو شعر گوئی میں دِکھا دیں وہ کمال اپنا |
| بہُت مقبُول ہوتی جا رہی ہے دِل زدہگاں میں |
| ہماری شاعری، اب تو فسُوں بھی بے مِثال اپنا |
| غُرُور اِک عارضہ جِس کا تدارُک ہی نہِیں مُمکِن |
| لگا اِک بار یہ جِس کو سمجھ لے وہ زوال اپنا |
| کرِشمہ وقت میں رکھا گیا ہے زخم بھرنے کا |
| لگے جو گھاؤ تو حسرتؔ، بنے خُود اِندمال اپنا |
| رشِید حسرتؔ |
معلومات