| بات لفظوں میں ہو تو سادگی مر جاتی ہے |
| اک کہانی مری ہر بار بکھر جاتی ہے |
| ان ہواؤں سے میں کرتا ہوں گزارش تیری |
| جب سے سنتا ہوں ہواؤں سے خبر جاتی ہے |
| اس کی باہیں ہیں کسی پھول کے بستر جیسی |
| جن میں جاؤں تو تھکن ساری اتر جاتی ہے |
| پھول ہر رنگ کے کھلتے ہیں نئے موسم میں |
| بے حسی اک مرے آنگن میں ہی بھر جاتی ہے |
| شام ہوتے ہی مرے ساتھ اداسی دل کی |
| میرے قدموں سے لپٹ کر مرے گھر جاتی ہے |
| کام کر سکتا نہیں ہے جو زمانہ ساگر |
| تجھ سے پل بھر کی جدائی مرا کر جاتی ہے |
معلومات