| سن لو میری ندا اے رسولِ خدا |
| شہر اپنے بلا اے رسولِ خدا |
| دیکھ لوں میں بھی پیارا مدینہ ترا |
| تو مقدر جگا اے رسولِ خدا |
| سبز گنبد کبھی میں بھی دیکھوں ترا |
| مجھ کو در پر بلا اے رسولِ خدا |
| سبز گنبد کے سائے میں بیٹھوں میں بھی |
| اذن تو کر عطا اے رسولِ خدا |
| تجھ کو دیتا ہوں آقا مرے میں صدا |
| تو مدینہ دکھا اے رسولِ خدا |
| اب تو بھاتا نہیں مجھ کو کچھ بھی یہاں |
| بس مدینے بلا اے رسولِ خدا |
| تجھ کو اللہ نے دی نعمتِ دو جہاں |
| میں ہوں تیرا گدا اے رسولِ خدا |
| آقا جودو سخا میں ہے چرچا ترا |
| ہو گدا پر سخا اے رسولِ خدا |
| منگتے کو تو لوٹاتا خالی نہیں |
| مجھ پہ بھی ہو عطا اے رسولِ خدا |
| میرے مٹ جائیں یا مصطفیٰ سبھی غم |
| میں ہوں تیرا گدا اے رسولِ خدا |
| جام الفت کا ایسا پلا دو مجھے |
| جان کر دوں فدا اے رسولِ خدا |
| عشقِ احمد میں عاجز بھی ڈوبے سدا |
| بس یہی ہے دعا اے رسولِ خدا |
معلومات