| غم کا ملا تپاک تو ہم کو پتہ چلا |
| بیٹھی جو دل پہ دھاک تو ہم کو پتہ چلا |
| دیکھا جو حال گھر کا تو بے چین ہو گئے |
| اپنی اڑی جو خاک تو ہم کو پتہ چلا |
| آساں ہے عاشقی یہ سمجھتے رہے مگر |
| رگڑی گئی جو ناک تو ہم کو پتہ چلا |
| ہوتا نہیں وصال بھی خوشیوں بھرا سدا |
| گزرا جو کرب ناک تو ہم کو پتہ چلا |
| ساون بھی راس آتا نہیں ہجر میں کبھی |
| موسم ہوا بے باک تو ہم کو پتہ چلا |
| اجڑے ہیں شہر شر سے کئی جن کے بستیاں |
| شک میں ہوئے جو پاک تو ہم کو پتہ چلا |
| واقف کہاں تھے اپنے ہی شاہد مزاج سے |
| سینہ ہوا جو چاک تو ہم کو پتہ چلا |
معلومات