| عجب حال ہے کیا زمانہ ہے صاحب |
| خود اپنے مقابل میں آنا ہے صاحب |
| ہمیں بھیجا دنیا میں بس اس لیئے ہے |
| خدا نے ہمیں آزمانا ہے صاحب |
| ہمیں رہ نما ہیں ہمیں ہیں خلیفہ |
| عمل ہم کو بہتر بنانا ہے صاحب |
| نہیں اہل باطل کی ہے کوئی خواہش |
| اسے صرف ہم کو مٹانا ہے صاحب |
| روش فرقہ بندی کی اب چھوڑنا ہے |
| ہمیں خود کو مسلم بتانا ہے صاحب |
| ہمیں نے سکھایا تھا جنکو نشانہ |
| اب ان کا ہی ہم پر نشانہ ہے صاحب |
| نہیں ہے فقط یہ کتاب الہدایت |
| مکمل ہے زندہ خزانہ ہے صاحب |
معلومات