| عظمتِ شمعِ نبی جانتے ہیں پروانے |
| نفس کو سیس جھکا مارتے ہیں پروانے |
| گرتے ہیں اٹھتے ہیں جاں وارتے ہیں پروانے |
| گردِ شمعِ درِ شہ گھومتے ہیں پروانے |
| ذکرِ پاکِ شہِ والا سجا ہے ہونٹوں پر |
| شانِ ذکرِ نبی پہچانتے ہیں پروانے |
| رہتے ہیں شام و سحر گردِ مزارِ آقا |
| سبز گنبد کو ہی بس دیکھتے ہیں پروانے |
| جان دینی ہے ترے روضے کے سائے میں ہی |
| جانتے ہیں تو یہی جانتے ہیں پروانے |
| ربِّ حَبْلِی" دعا کا آسرا پروانوں کو |
| شافعِ حشر تجھے مانتے ہیں پروانے |
| کام کیا ہوش و خرد کا یہاں پر اے عاجز |
| ان پہ جاں وارنا ہی جانتے ہیں پروانے |
معلومات