مشکلیں ہوتی ہیں آسان مدینے میں چلو! |
خالی بھر جاتے ہیں دامان مدینے میں چلو! |
درد و غم رنج و الم دور چلے جاتے ہیں |
دل میں رہتا نہیں خلجان مدینے میں چلو! |
بارشِ نور مدینے میں برستی رم جھم |
پھول کا لگتا ہے گلدان مدینے میں چلو! |
جنکی چوکھٹ پہ ملائک جی حضوری کرتے |
آتے دیدار کو غلمان مدینے میں چلو! |
آرزو خلد کی جس کو ہے مدینے جائے |
خلد کے رہتے ہیں مہمان مدینے میں چلو! |
جانبِ کوئے نبی باندھ لو اب رختِ سفر |
سب تو جاتے ہیں مِری جان مدینے میں چلو! |
رشکِ جنت ہے بنی دیکھو ! مدینے کی گلی |
بلبلِ سدرہ ہیں دربان مدینے میں چلو! |
جان و دل روح و جگر سب ہیں مدینے پہنچے |
دیر کیوں کرتے ہو نادان مدینے میں چلو! |
اپنے اعمال سے رنجور تصدق کیوں ہو؟ |
ملتا بخشش کا ہے سامان مدینے میں چلو! |
معلومات