غزل |
بے ہنر کو عقل دے کر با ہنر کس نے کیا |
اک شجر کو پھول دے کر با ثمر کس نے کیا |
اس جہاں سے ہم چلے جاتے اسے جانے بنا |
بھیج کر اپنے پیمبر ، باخبر کس نے کیا |
کس نے بھیجا دن کو سورج دی توانائی ، ضیا |
جب گیا وہ رات بھر ، روشن قمر کس نے کیا |
دیکھتا ہے اس کے بندوں نے جو پائیں نعمتیں |
شکر کر کے ذکر پھر شام و سحر کس نے کیا |
عمر بھر جس نے مرا ہر وقت رکھا ہے خیال |
جان اوروں میں بھی ہے ، مجھ کو بشر کس نے کیا |
کر دیا کتنوں کو اس نے نعمتوں سے مالا مال |
اور کچھ کہتے ہیں ان کو در بدر کس نے کیا |
وہ جو اپنے گھر میں بیٹھے تھے سکون و چین سے |
ایک پل میں راکھ کا ڈھیر ان کا گھر کس نے کیا |
کیوں نہ طارق شکر کے سجدے کریں ہم ہر گھڑی |
بند اک لمحے کو بھی ہے اپنا در کس نے کیا |
معلومات