| مسئلہ ہے ۔۔دھوپ چھاؤں ۔۔۔ زندگی |
| گھر نہیں آنگن نہ گاؤں ۔۔۔۔۔ زندگی |
| ڈھونڈنے نکلا ہوں۔۔۔۔۔ اپنے آپ کو |
| تو بتا آؤں کہ جاؤں ۔۔۔۔۔۔۔۔۔۔۔زندگی |
| دکھ کے سارے لفظ باہم کرلئے |
| عمر بھر غزلیں سناؤں ۔۔۔۔۔۔۔زندگی |
| آہٹیں بھی چھوٹ جاتی ہیں میاں |
| یوں تھکا دیتی ہے پاؤں ۔۔۔۔۔زندگی |
| بھول جا اب، وہ تو گزرا وقت ہے |
| دھند سے کیا دھوپ لاؤں ۔۔۔۔ زندگی |
| موت سے کرلوں گا اک دن مشورہ |
| آپ کا احساں چُکاؤں ۔۔۔۔۔ زندگی |
| اس قدر شیدؔا سے کیوں ناراض ہو |
| آ تجھے اپنا بناؤں ۔۔۔۔۔۔ زندگی |
معلومات