جواں سالی کا گزرا وہ زمانہ یاد آتا ہے |
محبت کا وہ رومانی فسانہ یاد آتا ہے |
ادب کے جزبے دل میں تب ابھرتے ہی چلے جائیں |
رویہ جب بڑوں کا مشفقانہ یاد آتا ہے |
خدا کی معرفت کامل جو حاصل کرتے ہیں بندے |
مقولہ ان کا ہی بس عارفانہ یاد آتا ہے |
نہیں آساں کسی کا جی چرانا چاہ میں لیکن |
لگا یا قلب پر گہرا نشانہ یاد آتا ہے |
رجھانا سخت جاں کو سیکھ سکتے ہیں تمہیں سے سب |
رچایا کھیل کیسا شاطرانہ یاد آتا ہے |
انوکھی گفتگو ناصؔر کی تھی عادت لڑکپن سے |
کبھی انداز رہتا شاعرانہ یاد آتا ہے |
معلومات