| دنگ ہیں ارض و سما، واہ حُسیناؑ |
| یوں خدا سے کی وفا، واہ حُسیناؑ |
| شوکتِ دین، سراپائے شجاعت |
| پیکرِ صبر و رضا، واہ حُسیناؑ |
| نازشِ فقرِ علیؑ, غیرتِ اسلام |
| مرکزِ رشد و ہدی، واہ حُسیناؑ |
| سر جُھکائے تِرے در پر نظر آئے |
| نُجَبا و فقرا، واہ حُسیناؑ |
| تُو نے وہ کِام کیا ہے کہ اَبد تک |
| یہی آئے گی صدا، واہ حُسیناؑ |
| تِرا مجنوں، تِرا مجذوب، تِرا مست |
| عمر بھر کہتا رہا، واہ حُسیناؑ |
| دیکھ کر دشتِ پریشاں میں تِرا صبر |
| کہتی ہے خلقِ خدا، واہ حسیناؑ |
| راستہ خُلد کا ہموار کرے ہے |
| غم تِرا ذکر تِرا ، واہ حُسیناؑ |
| دلِ شاہدؔ میں بسی ہے تِرے دم سے |
| یادِ محبوبِ خدا، واہ حُسیناؑ |
معلومات