| مدینے کا منظر دکھاتی ہیں آنکھیں |
| مجھے یاد ہر پل دلاتی ہیں آنکھیں |
| وہ محراب ممبر کا نقشہ جما کر |
| نمازِ محبت پڑھاتی ہیں آنکھیں |
| کبھی روضہ ۓ پاک کو دیکھتی ہیں |
| تو اشکوں کا دریا بہاتی ہیں آنکھیں |
| جھکی ہوں اگر مصطفی کے یہ در پر |
| تو جنت میں اس دم لے جاتی ہیں آنکھیں |
| کرم ان کی جانب سے ہو جب بھی مجھ پر |
| شفاعت نگر گھوم آتی ہیں آنکھیں |
| عتیق ان کی الفت میں گم ہو کے اکثر |
| مدینے کی چاہت بڑھاتی ہیں آنکھیں |
معلومات