| بڑا ذیشان ہے رتبہ مِرے مسعود غازی کا |
| چلا ہے دہر میں سکّہ مِرے مسعود غازی کا |
| طفیلِ حضرتِ مولا علی و فاطمہ زہرا |
| عطا کر دے خدا! صدقہ مِرے مسعود غازی کا |
| سوالی غیر کے در کا وہ ہرگز ہو نہیں سکتا |
| بنا ہے جو کوئی منگتا مِرے مسعود غازی کا |
| مریضوں کو بحکمِ رب شفا ملتی جہاں پیہم |
| میاں ایسا ہے وہ روضہ مِرے مسعود غازی کا |
| سلامی کو فرشتے بھی جہاں شام و سحر آتے |
| کہوں کیسے ہے کیا رتبہ مِرے مسعود غازی کا |
| عروجِ دین کی خاطر مٹائی اپنی ہستی کو |
| یہی ہے مختصر قصّہ مرے مسعود غازی کا |
| غم و آلام سے فورا تصدق! مل گئی تسکیں |
| کرم مجھ پر ہوا ایسا مِرے مسعود غازی کا |
معلومات