فیض کا واللہ چشمہ ہر گھڑی نظروں میں ہے |
حافظِ ملت کا روضہ ہر گھڑی نظروں میں ہے |
ہر مخالف کا عمل سے آج دینا ہے جواب |
خوبصورت ایک جملہ ہر گھڑی نظروں میں ہے |
تازگی جس نے عطا کر دی جہانِ علم میں |
وہ حسیں پر نور چہرہ ہر گھڑی نظروں میں ہے |
آپ کے جیسا زمانے میں کوئی ملتا نہیں |
علم کا کوہِ ہمالہ ہر گھڑی نظروں میں ہے |
آج بھی ہے بیگماں جسکی دمک چاروں طرف |
وہ درخشندہ ستارہ ہر گھڑی نظروں میں ہے |
عالمِ اسلام میں ہے جامعہ کا تذکرہ |
آپکی کاوش کا ثمرہ ہر گھڑی نظروں میں ہے |
رشک کرتے ہیں تصدق جس پہ اربابِ سخن |
بالیقیں وہ درِّ یکتا ہر گھڑی نظروں میں ہے |
معلومات