| غزل |
| وفورِ اشک یوں ماتم نہ کیجئے |
| غمستاں ہےغموں کا غم نہ کیجئے |
| پلک پہ ضبط کا رہنے دیں پہرہ |
| لہو سے تر کُشا پرچم نہ کیجئے |
| تصور میں سنوارے ہیں کسی کو |
| مکافاتِ دھیاں برہم نہ کیجئے |
| نظر بازوں کی ہے بستی میاں یہ |
| یہاں پر حسنِ منظر کم نہ کیجئے |
| سماعت کی خرابی سے ہے سیکھا |
| ہر اک کی بات کا ویلکم نہ کیجئے |
| یہ سیارہ ہے روحِ حسنِ فطرت |
| زمیں کو صرفِ ایٹم بم نہ کیجئے |
| ابھی فصلِ سلاسل ہے یہ شیدؔا |
| کہیں پائل کوئی چھم چھم نہ کیجئے |
معلومات