| میرے پیارے نبی رتبہ تیرا سوا |
| تیرے درجے شہا دو جہاں میں عُلیٰ |
| اے حسن کے سبب تو ہے محبوبِ رب |
| تو جمالِ دہر تو حسیں جانِ ما |
| نغمہ تیرا ہے قرآں کلامِ الہ |
| اے رسولوں کے دلبر حبیبِ خدا |
| تو صفِ انبیا میں حسیں دلربا |
| یا نبی مصطفیٰٰ یا نبی مصطفیٰٰ |
| تجھ سے ہستی رواں جانِ کونین تو |
| میرے ہادی پیا جانِ ارض و سما |
| سیدا سرورا زینتِ دو سریٰ |
| اے حسیں دلربا پیارے مشکل کشا |
| تو ہے دلدارِ یزداں رسولِ خدا |
| نورِ حق تجھ سے پھیلا دہر میں شہا |
| قول تیرے کبھی بھی ہوا سے نہیں |
| وہ ہے آوازِ حق جو نبی نے کہا |
| ذکر تیرا جلی ہر چمن میں رہا |
| فیض تیرا دہر کے کراں تک گیا |
| ایک مجبور محمود در پر گرا |
| اے سخی چارہ گر تو دلوں کی ضیا |
معلومات