| کچھ اور گہرے دل پہ لگے وار ہو گئے |
| اب تو عزیز ہجر کے آزار ہو گئے |
| تھے انتظار میں کہ کوئی چارہ گر ملے |
| تیرے فراق میں کئی بیمار ہو گئے |
| گھائل ہوئے تو گِر گئے تیرے حضور میں |
| تیرِ نظر دلوں کے ہیں جو پار ہو گئے |
| ہے سِحرِ حسن یا کہ ہے احسان کا اثر |
| سب جان و دل گنوانے کو تیّار ہو گئے |
| مانا سفر کٹھن تھا مسافت تھی دُور کی |
| اب قُرب تیرا پانے کے آثار ہو گئے |
| جب چل دیے تو قافلہ بڑھتا چلا گیا |
| جو ایک تھا وہ اب کئی ہزار ہو گئے |
| طارق ہوا ہے اس کے جو بھی عشق میں فدا |
| اس کے لئے صنم کدے بیکار ہو گئے |
معلومات