| فاعِلن فاعِلن فاعِلن فاعِلن |
| آپ آئے خوشی زندگی کو ملی |
| سچ کہوں تازگی ہر کلی کو ملی |
| تابشِ مصطفیٰ بندگی کو ملی |
| آپ کا جب مدینے میں درشن ہوا |
| ہر طرف نور ہی نور روشن ہوا |
| رت مدینے کی جسدم نبی کو ملی |
| تو ہے آقا کی امت کی ماں آمنہ |
| ناز کرتا ہے تجھ پر جہاں آمنہ |
| گود اطہر تری جو نبی کو ملی |
| جاگ اٹھا حلیمہ مقدر ترا |
| کر دیا رب نے دامن معطر ترا |
| جب مدینے میں آ کر نبی کو ملی |
| سب اندھیرے مٹے روشنی چھا گئی |
| معصیت چھٹ گئی خاصگی آ گئی |
| جب زمیں کی جو حسرت نبی کو ملی |
| رتبہ ملتا گیا ان کو اصحاب کا |
| حلقہ بڑھتا گیا اپنے احباب کا |
| جوں جوں نسبت نبی کی کسی کو ملی |
| ہر صحابی فدا کرتا تن من گیا |
| کوئی صدیق بوبکر سے بن گیا |
| شان فاروق ، عثماں، علی کو ملی |
| آمدء مصطفیٰ پر محبت تری |
| شعر تیرے ہیں اظہارِ نسبت تری |
| نعتِ ارشد بجا شستگی کو ملی |
| مرزاخان ارشدؔ شمس آبادی |
معلومات