| اگلا سفر اے خاکی بشر خاک سے پرے |
| منزل ہے کائنات کے افلاک سے پرے |
| باغات نہریں کوثر و حورٌ فی الخیام |
| انعام خلد کے سبھی ادراک سے پرے |
| راہِ نجات تیری فقط راہِ مستقیم |
| رنگینئ جہان کے پیچاک سے پرے |
| لوح و قلم کا علم انہیں رب نے دے دیا |
| کچھ بھی نہیں ہے صاحبِ لولاک سے پرے |
| وعدہ خلاف کوفی تھے سید سے دور یوں |
| جیسے تھا آب کربلا کی خاک سے پرے |
| ابلیس کے ہے دام میں افسوس نسلِ نو |
| منظر لہو ہے دیدہِ نمناک سے پرے |
| خاکِ لحد ہے اوڑھنی اے پیکرِ سحاب |
| کب تک رہے گا جسم یہ پوشاک سے پرے |
معلومات