| یادیں سہانی من میں کیسے نگر کی ہیں |
| راحت ہیں سینے کی جو ٹھنڈک جگر کی ہیں |
| باتیں درِ نبی کی میرا سکونِ جاں |
| دائم جو آرزو ہیں عنواں خبر کی ہیں |
| تاباں ہے نور جس سے ان کا جمال ہے |
| ہر چاندنی میں کرنیں نوری نظر کی ہیں |
| عقدہ کشا یہ ہادی ہیں نقطہ ور حسیں |
| حاصل کفایتیں سب اُن کے اثر کی ہیں |
| راضی ہیں بختہ ور جو ان کے قریب ہیں |
| کیسی جدا یہ شانیں آقا کے در کی ہیں |
| مشکور ہر خلق ہے فیضِ کریم کی |
| امت پہ رحمتیں بھی فاتح بدر کی ہیں |
| پھیلی شعائیں ہیں جو رہبر کے نور سے |
| منزل نما یہی تو سیدھی ڈگر کی ہیں |
| جواد دلربا ہیں عترت بھی ہے سخی |
| ہستی میں خوبیاں سب داتا کے گھر کی ہیں |
| محمود مان دل سے دلبر سے پیار ہے |
| باتیں علاوہ اس کے جانے کدھر کی ہیں |
معلومات