| پھُلّاں کھِڑیا ، دل دا ہاسّا یاد کراں |
| ماں کردی سی سِر دا چاسّا یاد کراں |
| چپ چپیتے چانن اتّر آؤندا سی |
| میرا چن وی اوتھے پھیرا پاؤندا سی |
| کملی ، سُرخی ، لا کے گاؤندی ، پھر دی سی |
| ڈھارے تھلّے منجی ڈھاؤندی پھر دی سی |
| سچّی گلّ نہ کر دے ، پردے پاؤندے نیں |
| جھوٹھ دے اُتّے جھوٹھے گانے گاؤندے نیں |
| پانی وانگر رُڑ گئی دولت ساری اے |
| پیسے کھا گئی اوہدی ویخ بَماری اے |
| شیشے دے وچ مُورت اُس دی دِسدی اے |
| قسمت انج وچھوڑا کاہنوں لِخ دِی اے |
| دل دا حال سُناواں ہَولا بھار کراں |
| دُکھ نہ سانجھا کراں تے کِیہ فِر یار کراں |
| طارق موت دے اَگّے کسے دی چلدی اے؟ |
| ڈاہڈے اَگّے دال کسے دی گلدی اے؟ |
معلومات