دردِ محبت عاشق اکثر ہنستے ہنستے سہتا ہے |
باہر سے ثابت رہتا ہے اندر اندر ڈھہتا ہے |
ہر پل اک آہٹ ہوتی ہے ، ہر لمحہ بیتابی ہے |
ویرانی دل کی بستی میں کون ستمگر رہتا ہے؟ |
ناقدری کی اس دنیا میں چاہت کی پہچان کہاں |
ورنہ اپنے دل میں یارو پریم کا امرت بہتا ہے |
بھیگا تکیہ بکھرا کاجل سرخ یہ ڈورے آنکھوں میں |
کل شب بادل ٹوٹ کے برسا صبح کا منظر کہتا ہے |
دیکھ کنول کا حال تو مورکھ ہاتھوں میں چہرہ نہ چھپا |
آنکھ سے تیرے موتی برسے وہ کب ایسا چہتا ہے |
معلومات