| یہ آمد مصطفیٰ کی ہے بہاریں گنگناتی ہیں |
| دہر سارا فروزاں ہے فضائیں مسکراتی ہیں |
| نبی آئے جہانوں میں لبیبِ کبریا بن کر |
| عُلیٰ ڈنکے انہیں کے ہیں ہوائیں جو سناتی ہیں |
| جہاں روشن ضیا سے ہے ستارے ٹمٹماتے ہیں |
| جلی سب سے حسیں آئے یہ خبریں سب بتاتی ہیں |
| ہیں چرچے ہر جگہ اُن کے فلک پر گوناں خوشیاں ہیں |
| چمن میں رونقیں ساری درِ ہادی سے آتی ہیں |
| جہاں سے دور ہے ظلمت ہوا باطل ہراساں یوں |
| شعاعیں نور سے زینت لئے ہستی سجاتی ہیں |
| چراغِ رُشد لے آئے محمد مصطفیٰ ہادی |
| گراں دھومیں مچی ہر جا امیدیں جگمگاتی ہیں |
| درود اُن پر صلاۃ اُن پر خدا سے حکم یہ سن کر |
| جہانِ کیف میں خوشیاں عجب مستی دکھاتی ہیں |
| ہوا آئے مدینے سے گھٹائیں لے کے رحمت کی |
| کریں یادِ نبی سرور عطائیں عطر لاتی ہیں |
| سدا محمود نام اُن کا بنے زینت لبوں کی بھی |
| سعادت سے درودوں کی بلائیں دور جاتی ہیں |
معلومات