ہم ہوئے پیدا مسلماں شکر ہے |
ہے خدا کا ہم پہ احساں شکر ہے |
صاف کہئے آپ یہ انصاف سے |
ہم نے پایا ہے اسے اسلاف سے |
لے کے آئیں تو کوئی ایسی نظیر |
مل کے بیٹھے ہوں جہاں شاہ و فقیر |
کوئی مذہب اور ہے ایسا کہاں |
ساتھ جس کے ہو خدائے مہرباں |
عدل کی احسان کی تعلیم ہے |
اقربا سب کی یہاں تعظیم ہے |
خیر اور شر دونوں نےپکڑے ہیں ہاتھ |
فیصلہ کرنا ہے جائیں کس کے ساتھ |
ہیں مسلماں بچ کے چلنا ہے ہمیں |
دور سب فحشا سے رہنا ہے ہمیں |
ہم نہی منکر سے جب کر پائیں گے |
تب بغاوت سے بھی باز آ جا ئیں گے |
سب سے بڑھ کر یہ خدا کا فضل ہے |
زندگی میں ہر قدم پر عدل ہے |
ہیں حقوق اپنے مگر ہیں فرض بھی |
ہم پہ ہے ماں باپ کا کچھ قرض بھی |
تربیت کرنی ہے جو اولاد کی |
ہو نمونہ زندگی افراد کی |
امتحاں اپنا سدا لیتے رہیں |
جائزہ صبح و مسا لیتے رہیں |
ہم عمل پیرا ہوں اس تعلیم پر |
دوسروں پر اس کا تب ہو گا اثر |
ہو دعا سب سے بڑا ہتھیار جب |
وقتِ رُخصت ساتھ ہوں ابرار سب |
معلومات