| وہ میری سانسیں بحال کرتا |
| کبھی تو آ کر وِصال کرتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| خُوشی کے پل بانٹتا وہ آ کر |
| نہ غم سے مجھ کو نڈھال کرتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| اُسے ذرا بھی جو ہوتی الفت |
| کبھی نہ ایسا وہ حال کرتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| جو ہوتا زندہ پلٹ ہی آتا |
| کبھی نہ اتنے وہ سال کرتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| وہ ذکر میرا میں جانتا ہوں |
| جنوب کرتا شمال کرتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| سبھی نے مرنا تھا اس ادا پر |
| ہاں جو بھی کرتا جمال کرتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| غموں کا سورج غروب ہوتا |
| خوشی سے مجھ کو نہال کرتا |
| ۔۔۔۔۔۔۔۔۔۔۔۔۔۔۔۔۔۔۔۔ |
| مجھے وہ مانؔی سمجھ نہ پایا |
| وہ کاش میرا خیال کرتا |
معلومات